هاذي اغنيه مرثيه للفنان مزعل

جاني خبر في غربتي قيل بركود *** صوب الرياض ااسرع و شدالرحالي
قلت السبب قالوا مريض وبه زود *** على فراشه طايح من ليالي
يبي يشوفك دامه اليوم موجود *** علك تشوفه لي وصلته سالي
حاولت اعرفه , قالوا الوقت محدود *** لا,لاتضيع وقتك اليوم غالي
رجعت فكري تايه شبه مفقود *** متخدر جسمي وفكري وبالي
ساعة دخلت وشفت انا البيت محشود ** بالناس كلن يزعج الصوت عالي
حتى الصغير اللي من ايام مولود *** يبكي ودمعه فوق الاوجاه سالي
نشدتهم وش صار بايامي السود *** منهو توفى , من فقدناه غالي
قالوا ترى امك يابن الاجواد في العود*** في العود مدفونه من اربع ليالي
جاها قضاها ويومها اليوم موعود *** والموت حق وكلنا للزوالي
من هرجهم حبل الحزن صار معقود *** في خافقي والموت وقته طرى لي
بغيت اجامل كل من كان موجود *** لكن حزني ترجم احوال بالي
انهل دمعي وانتثر فوق الخدود *** ساعة نظرت فراشها والعيالي
ياليتني في قبرها اليوم موجود *** وهي على الخد الوسيعه بدالي
لاشك حكم الرب ماعنه مردود *** امنت به ربي عليه اتكالي

يسلمو على الأغنيهـ،، النآيس

بنتضآر جديدكـ،، تحيآآتي mrjoojh wbtrkd