أحلى قصيدة قالها خالد الفيصل

خالد الفيصل أشعاره أكثر من روعه

بس أنا تعجبني له هذه القصيده كثير

فانقلتها لكم


يوم انا طالـــب

يوم انا طالب هقيت اني عرفت=كل مافي الكون من سر الحياه
يوم انا طالب تحمّست ووعدت=اني اصلح ما تبيّن لي خطاه
يوم انا طالب على الغيمه رسَمت=ضحكة الدنيا على عذب الشفاه
يوم أنا طالب تخيّلت وحَلمت=اني البــس من هَدب شمسي عباه
يوم انا طالب حَسبت اني وصلت=اثرني ما دست بالرجل الوطاه
وانتهى ربيع الاحلام وظهرت=اصدم الواقع ويصدمنى عطاه
ينجرح شوف العيون الى التفت=كن في حجر العيون اكبر قذاه
ان بغيت امشي لقيت انّي وقفت=وان رفعت الصوت ما جاني صداه
الحقايق فاجأتني ما بدأت=والزمان اسرع من اللي في رجاه
وانكسر غصن الخيال اللي زرعت=والتوى صدري على تسعين اه
لكن اني رغم هذا ما انهزمت=واستمريت ادعس الشوك بحفاه
كلما زادت مواجيعي صبرت=بين ثلج وبين جمرات الغضاه
ما غلبت الوقت لكن ما انغلبت=اعتصر نبعي من بطون الصفاه
كلها لعيون معشوق(ن) عشقت=ديرتي ديرة رفيعين الجباه
في ثراها غالي احبابي دفنت=وفي سماها اجمع الحلم وهواه


تحيآآتي mrjoojh wbtrkd